هنا و الدمع يملأ مهجتي والليل يبكيني
اسولف لي على الحيرة / و تاخذني لك الأحلام
حبيبي / و إنت تدري بالغلا ما بينك و بيني
حبيب الأمس حبيب اليوم حبيب لباقي الأيام
أحبك / و الغرام اللي بقلبي لك يغنيني
كما عصفور / غنى لي / حبيبي خافقي من عام
يدندن باسمك و شوقي حبيبي لو يعنيني
يكفيني إلا منه حظنته روح / ما انضام
لك الله لو تخون الشمس / باقي العمر وسنيني
ما خونك /حب لو انه مسافات الشقاء قدام
بضمك واحلمك و اقراك لا ضاعت عناويني
و بملأ دفتري باسمك / و لا / تشره على الأقلام
لأني ما فتحت المحبرة / وابتلت ايديني
فتحت الروح لقدومك / و قلت الله يا علام
يا علام الغيوب / افرج لقلب سال من عيني
تمرجح بالهدب / و الموت من زفراتها الأنسام
تسابق لهفتي / و الشوق يصرخ وينك ويني
عسى هذا الفراق / اللي نعيشه عايشه بأحلام
مابي أصحى على لعنة جفاك و قسوة سنيني
أبي أرجع أعشق الماضي / لو اني عشقت أوهام
الثلاثاء 23 يونيو 2009 - 15:17