ريشه تطيـر وترسـم الكـون لوحـه
وريشـه تطيـر وتعـزف الـود أنـغــــام
وريشه تجمّع فكره من ألف دوحـه
وأخرى تحـاول تضـوي دروبٍ عتـــام
وريشـه تعبّـر عــن فــروحٍ بـروحـه
راحـت تبـث الحـب مـا بيـن الآنـــام
وريشه تسجّـل مـا بروحـه تبوحـه
تكتب شعر تكتب نثر تبكـي أقــــلام
وريشه تدوّر طب يشفـي جروحـــه
وجروح من مثله شكـى حـــر الآلام
وريشه تحق الحق مــاهي جنوحـه
تاخذ من الظالم وتعطي من إنضـام
وريشه تسوح ويتعبـه كثـر سوحـه
حظـه رديٍ ضيّعـه وسـط الاوهــــام
ياريشتي وش جاك منتي طموحه ؟
ياريشتـي شقّـي طريقـــك لـقــــــدام
ياريشـتـي تكـرّمـي يالشـحـوحــــه
تكرّمـي قومـي بتحقيـق الاحــــــلام
ياريشتـي دنـيـاك هــذي لحـوحـــه
وهـذي نهايـة عـــام ياسـرع الايـــام